ریاض۔ سعودی عرب کی سپریم کورٹ نے سابق چیف جسٹس عبدالحمید ڈوگر کی ریاض میں بطور پاکستانی سفیر ممکنہ تعیناتی پر ناپسندیدگی کا اظہار کر دیا۔ اعلیٰ سفارتی ذرائع کے مطابق سعودی عرب دونوں ممالک کے درمیان مثالی تعلقات کے پیش نظر ایک تجربہ کار اور حاضر سروس سفارتکار کی تعیناتی کا خواہاں ہے۔ ذرائع کا کہنا ہے کہ سابق چیف جسٹس عبدالحمید ڈوگر کی بطور سفیر تعیناتی سے ناصرف پیچیدگیاں پیدا ہو سکتی ہیں بلکہ مسلم لیگ ن کی حکومت کے ساتھ مصالحتی کوششوں میں سعودی عرب کی دلچسپی بھی متاثر ہو گی۔ ذرائع کا یہ بھی کہنا ہے کہ دفتر خارجہ میں سینئر ترین افسر ایڈیشنل سیکریٹری برائے مشرق وسطٰی عمر علی شیرزئی کی