Search
 
Write
 
Forums
 
Login
"Let there arise out of you a band of people inviting to all that is good enjoining what is right and forbidding what is wrong; they are the ones to attain felicity".
(surah Al-Imran,ayat-104)
Image Not found for user
User Name: nasir1973
Full Name: Abdul Nasir Mughal
User since: 2/Oct/2007
No Of voices: 47
 
 Views: 2547   
 Replies: 2   
 Share with Friend  
 Post Comment  
آصف علی زرداری نے ججوں کی بحالی کے سات اگست کے تحریری معاہدے کی پاسداری میں ناکامی کی وجوہات ایک بھری پریس کانفرنس میں بیان کیں اور اپنی ناکامی قبول کرتے ہوئے یہ اعلان کیا کہ وہ صدارتی انتخاب میں امیدوار نہیں ہوں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرِ اعظم یوسف رضا گیلانی نے یہ الزام لگنے کے بعد حکمراں پیپلز پارٹی کے سربراہ آصف علی زرداری کو استعفٰی تھما دیا کہ ان کے رشتہ داروں کے نام سے سرکاری اداروں میں سفارشی چٹھیاں بھیج کر من پسند افراد کے تقرر کے لیے افسران پر دباؤ ڈالا جارہا ہے۔ وزیرِ اعظم گیلانی نے کہا ہے کہ وہ ان پراسرار سفارشی چٹھیوں کا عقدہ حل ہونے تک استعفٰی واپس نہیں لیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرِ داخلہ رحمان ملک نے اعتراف کیا ہے کہ انہوں نے جون میں ہونے والے ضمنی انتخابات کی تاریخ حکومتِ سرحد اور الیکشن کمیشن کے ایما پر نہیں بلکہ ازخود آگے بڑھانے کا فیصلہ کیا تھا۔ نیز وہ اپنا یہ بیان واپس لیتے ہیں کہ جس دن میریئٹ ہوٹل اسلام آباد میں بم دھماکہ ہوا اس دن وہاں ارکانِ پارلیمان کو استقبالیہ دیا جانا تھا۔ اس کے علاوہ آئی ایس آئی کو وزیرِ اعظم کی براہ راست جوابدہی سے نکال کر وزارتِ داخلہ کے تحت لانے کے فیصلے میں بھی وزیرِ اعظم اور اعلٰی فوجی قیادت کو اعتماد میں نہیں لیا گیا جس کے سبب حکومت کو خفت اٹھاتے ہوئے یہ فیصلہ منسوخ کرنا پڑا۔ رحمان ملک نے کہا ہے کہ وہ کام کی زیادتی اور ذہنی دباؤ کے نتیجے میں اپنی ذمہ داریوں سے انصاف نہ کرنے کے سبب عہدے سے سبکدوش ہونا چاہتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرِ محنت و افرادی قوت سید خورشید شاہ نے اس خبر کو بے بنیاد قرار دیا ہے کہ کراچی میں انکے بیٹے کی شادی کے موقع پر بجلی کا کنکشن غیرقانونی طور پر حاصل کیا گیا تھا۔انہوں نے کہا کہ وہ اس بارے میں عدالت سے رجوع کر رہے ہیں۔مگر اس الزام سے بری ہونے تک وہ کابینہ کے اجلاسوں میں نہیں جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وفاقی وزیرِ پارلیمانی امور ڈاکٹر بابر اعوان نے ہائر ایجوکیشن کمیشن کی جانب سے اس بیان کے بعد سیاست سے ریٹائرمنٹ کا اعلان کردیا ہے کہ موٹسیلو یونیورسٹی جہاں سے بابر اعوان نے ڈاکٹریٹ کی ڈگری حاصل کی ہے وہ کوئی تسلیم شدہ یونیورسٹی نہیں ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بلوچستان سے رکنِ پارلیمان میر اسرار اللہ زہری اور سندھ سے رکنِ پارلیمان میر ہزار خان بجارانی نے وزیرِ اعظم یوسف رضا گیلانی کی جانب سے وفاقی کابینہ میں شمولیت کی دعوت شکریے کے ساتھ لوٹا دی ہے۔ اسرار اللہ زہری نے کہا ہے کہ وہ نصیرآباد میں خواتین کو زندہ دفن کیے جانے کے معاملے پر اپنے بیان کے نتیجے میں اٹھنے والے تنازعے کےسبب اور میر ہزار خان بجارانی نے کہا ہے کہ وہ خود پر عائد اس الزام کے سبب اپنےآپ کو وزیر بننے کا اہل نہیں سمجھتے کہ انہوں نے ایک جرگہ میں ایک فریق کی تین نوعمر لڑکیاں دوسرے فریق کے حوالے کرنے کے فیصلے میں حصہ لیا تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرِ اعلٰی پنجاب میاں شہباز شریف نے کہا ہے کہ وہ گورنر تاثیر کے متنازعہ طرزِ عمل کے باوجود سیاست میں شائستگی کا دامن نہیں چھوڑیں گے۔انہوں نے صوبائی وزیرِ قانون رانا ثنا اللہ کی جانب سے گورنر تاثیر کی متنازعہ تصاویر کی تشہیر پر وزیرِ قانون کو برطرف کردیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مولانا فضل الرحمان نے جمیعت علمائے اسلام کی سربراہی سے استعفٰی دے کر اپنی جگہ مولانا گل نصیب کو قائمقام امیر مقرر کردیا ہے۔مولانا فضل الرحمان نے ایک پرہجوم پریس کانفرنس میں اپنے فیصلے کا اعلان کرتے ہوئے کہا کہ وہ ان تمام اخبارات کے خلاف عدالت میں ہتکِ عزت کا مقدمہ دائر کررہے ہیں جنہوں نے ڈیرہ اسماعیل خان میں بارہ سو کنال زمین کی الاٹمنٹ کے معاملے میں ان کا نام اچھال کر ان کے خاندان کی دینی و سیاسی شہرت اور دیرینہ خدمات کو بٹہ لگانے کی کوشش کی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کیپٹل ڈویلپمنٹ اتھارٹی اسلام آباد کے سربراہ طارق محمود خان اور تین دیگر اہلکاروں کو عارضی طور پر معطل کردیا گیا ہے۔ان سے وفاقی تحقیقاتی ادارہ ایف آئی اے اس بارے میں پوچھ گچھ کررہا ہے کہ کشمیر ہائی وے کی تعمیر و توسیع کے لیے اربوں روپے مالیت کے ٹینڈرز کے نتائج ٹینڈر کھلنے سے پہلے میڈیا میں کیسے آگئے۔ایف آئی اے کے ذرائع نے کہا ہے کہ اس سلسلے میں سی ڈی اے کے سابق سربراہ کامران لاشاری سے بھی پوچھ گچھ ہوگی تاکہ اس بات کا تعین ہوسکے کہ اس سکینڈل کے ڈانڈے کہاں تک ملتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی کے میئر مصطفٰی کمال نے اعتراف کیا ہے کہ انہیں یہ اطلاع غلط طور پر پہنچائی گئی تھی کہ امریکہ کے فارن پالیسی میگزین نے انکا نام دنیا کے تین سرکردہ میئرز کے طور پر شائع کیا ہے۔ مصطفٰی کمال نے کہا کہ اس بارے میں فارن پالیسی میگزین کی وضاحت کے بعد انہوں نے اپنا استعفٰی ایم کیو ایم کے قائد الطاف حسین کو بھیج دیا ہے۔مگر الطاف حسین نے ان سے کہا ہے کہ وہ اس بارے میں کوئی فیصلہ ہونے تک ذمہ داریاں سنبھالے رہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چیف جسٹس آف پاکستان عبدالحمید ڈوگر نے آج شام ایوانِ صدر کو اپنا استعفٰی بجھوا دیا جو فوراً منظور کرلیا گیا۔صدر نے جسٹس سردار رضا خان کو قائمقام چیف جسٹس مقرر کیا ہے۔صدر نے سپریم جوڈیشل کونسل سے استدعا کی ہے کہ وہ اخباری رپورٹوں کی روشنی میں اس بارے میں چھان بین کرے کہ جسٹس ڈوگر نے اپنی صاحبزادی کے امتحانی نمبر بڑھوانے میں اپنے اثرو رسوخ کا استعمال کیا یا نہیں۔اس دوران وفاقی انٹرمیڈیٹ بورڈ کے سربراہ کو بھی تا حکمِ ثانی جبری رخصت پر بھیج دیا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ سب ممکن تھا اگر پاکستان ایران، بھارت، ملیشیا، اسرائیل، برطانیہ یا امریکہ ہوتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بی بی سی اردو ڈاٹ کام، اسلام آباد آرٹیکل بھیجنے والے کا نام مس ھو گیا ھے، برائے مہربانی مطلع فرمائیں۔ ویب ماسٹر
 Reply:   آرٹیکل آپکے نام پر منتقل ھو گیا ھ&
Replied by(webmaster) Replied on (29/Nov/2008)

ہم آرٹیکل کے ساتھ بھیجنے والے کا نام اس لیئے مینشن کرتے ھین تاکہ وہ بھیجنے والے کی رائے کا امپریسن دے نا کہ سائیٹ کی رائے کا۔ امید ھے وجہ واضح ھو گئی ھو گی
 
 Reply:   آرٹیکل بھیجنے والے کا نام مس ھو گ&
Replied by(nasir1973) Replied on (28/Nov/2008)

میں نے بھجا تھا۔ لیکن نام ضروری نھیں ھے۔ مقصد تو آرٹیکل عوام تک پہنچاناھے۔
 
Please send your suggestion/submission to webmaster@makePakistanBetter.com
Long Live Islam and Pakistan
Site is best viewed at 1280*800 resolution